The Current Most Trendy African Hairstyles

As a natural hair enthusiast, I keep a close eye on the evoluating world of natural hair and afro textured styles and based on my observation during the past three months or so, below are the current trendiest hairstyles in the natural hair community.

1- Faux Locks

Faux locs are protective styles performed with yarn or marley bulk hair or regular kanekalon hair to achieve dread locks. They are great options for people who want to try the dread look without having to actually lock their hair and people who are thinking about locking their hair and rock them as the “trial look”.  Whether your hair is permed, texturized or natural, you can wear faux locks.  The look became even more known when Disney Star,  Zendaya Coleman, wore faux locks to the latest Oscars and sparked one fashion critic who insinuated prejudices about her look.

9b53f2bf3c89fc740aeb86a13d087749

Faux locs bun

superthumb

Faux locs on curly hair

141

2- Crochet Braids

Crochet braids are protective styling performed on flat twisted or cornrowed hair where a latchhook is used to insert the braid under the braided hair to create the do.  They are great transitioning styles. They are a great alternative for people who want to wear another hair color without coloring their own hair and they work great to achieve fuller hairstyles.

33d17118d7b4f25be452e79f2ca40e39

Kay Afro Alice Natural Hair Salon

Kay Afro Alice Natural Hair Salon

How-To-CROCHET-BRAIDS

3- Havana Twists

Havana twists are medium-sized or big chunky senegalese twists created with Marley bulk hair or any  full afro textured braiding hair. They look great, do not take time to do and take down.

Havana bun

Havana bun

Havana twist

Havana twist

havana_twists__twistlocks__braid_hairstyles_havana_twists_hairstyles_pinterest

4- Ombré Hair Coloring 

The Ombré hair coloring is applying color gradually to your hair ends.  It looks better on medium to long hair. You dye your ends with a brush that gradually distribute the color with different highlights.

058f9a3ee42b2017a0eda7fcae92a017 chunks2 teyana-taylor-and-ombre-hair-feature

Which one of these looks have you already tried?

Annie

Afro Alice

Kay Afro Alice

Ti koze ak Afro Alice – Tout Enfomasyon Sou Alonj Kwochè (Crochet Braids / Interlocks)

Depi 4 dènye mwa nan ane 2014 la, youn nan penyen moun vin konnen, adopte e renmen ann Ayiti espesyalman nan kominote cheve natirèl la se alonj kwochè (sa yo rele ann anglè crochet braids oswa interlocks la). Kisa l ye? Ki avantaj li? Koman pou w pran swen l? Ki kote w ka fèl? Vin al gade ti enfomasyon sa yo ke map pataje ak nou. Kisa Alonj kwochè ye? Alonj kwochè se yon penyen ki pwoteje cheve lè li fèt jan l dwe fèt la.  Lè w trese cheve w ti kouri de dwèt oswa twa dwèt epi w itilize yon kwochè, yon epeng cheve oswa yon bwa alimèt pou w rantre yon lot cheve anba ti kouri a epi w marel sou ti kouri a yon fason pou cheve pa w nan repo epi cheve w mete a ou ka fè stil avèl.

Kay Afro Alice

Kay Afro Alice

Koman w mete l? Ti kouri a– Selon efè w vle cheve w ap ajoute a fè a, selon mezi cheve w genyen pou w mete a, selon rapidite w bezwen pou w mete cheve a, gen diferan fason w ka trese ti kouri a.  Fok tikouri a pa sere po tèt ou. Si cheve w yon ti jan fen epi mens, w ka ajoute yon ti kal alonj pandan wap trese ti kouri a, yon fason pou cheve a ka gen plis konsistans epi ka dire plis. Kwochè a– Selon tip cheve w pral itilize pou w mete kwochè a, longè alonj ou pral mete kwochè ak li a, selon si se yon cheve swa oswa yon cheve ki gen menm teksti ak cheve natirèl, gen twa fason w ka mare cheve a lè w fin foure l anba kwochè a. Ki avantaj alonj sa genyen? Pri– Pa rapo ak yon seri alonj oswa gref ki koute anpil kob, alonj kwochè pa koute anpil kob.  Cheve pou w mete kwochè a ka nenpot cheve alonj, kek tip cheve grèf e de a kat pakè cheve ap ba w bèl penyen. Pa egzanp, ann di cheve w konn met alonj lan avel la, w vle metel an kwochè. Chak pake koute w 35 goud ayisyen, ou achte 4 pakè fe w 140 goud epi w achte egwi kwochè pou 100 goud. Total pou w fè penyen kwochèw la koute w mwens ke 250 goud! Opsyon pou moun ki an transizyon oswa ki vle bay cheve l repo– Transizyon se yon faz ki mande anpil pasyans epi penyen ki pou fèw manipile cheve a mwens ke posib.  Yon moun ki ap fè tranzisyon ap jwenn bon avantaj pou li penyen konsa. Penyen an ka fèl 6-8 semèn.  Se menm avantaj la tou pou moun ki bezwen kite cheve l orepo pou li grandi oswa paske po tèt li two sansib.

Kay Afro Alice

Kay Afro Alice

Opsyon pou moun ki bezwen fè stil ak koulè – Gen moun ki ta anvi fè yon ti chanjman koulè cheve san yo pa met koulè nan cheve pa yo. Alonj kwochè se yon bon chwa pou moun sa paske li ka chwazi yon koulè ki fèl plezi nan cheve li ap achte yo epi lè sa li fè chanjman koulè san l pa chanje koulè cheve pa l.

Kay Afro Alice

Kay Afro Alice

Opsyon pou moun ki pa gen ase cheve pou li fè yon stil penyen li anvi fè– Gen moun ki ta renmen eseye fè yon stil penyen men cheve pa l two kout pou li fèl, le sa li ka itilize alonj kwochè pou li fè stil sa a.

Kay Afro Alice

Kay Afro Alice

Koman w jere cheve w anba yon alonj kwochè? Lèw fin mete alonj kwochè, ou pa dwe bliye cheve pa w ki anba l la.  W dwe netwaye, nouri epi pwoteje cheve w anba alonj lan.  Sa vle di fok cheve w lave, li idrate e li pran tout lot swen ki nesese pou li pwofite de repo a epi kontinye grandi.  Gen fason pou w lave cheve w anba alonj kwochè a san li pa rache.

Kwochè ak liy envizib - Kay Afro Alice

Kwochè ak liy envizib – Kay Afro Alice

Koman pou w antreteni alonj kwochè a? Selon tip cheve ou itilize pou w fè kwochè a, gen yon fason ki pi bon pou w antreteni l. Men ti konsèy ki valab pou tout tip cheve w itilize pou w fè kwochè: kenbe alonj lan idrate ak yon mous, yon leave-in ki fèt pou sa.  Lè w ap domi ak li, mare tèt ou nan stil anana, itilize yon mouchwa ki pa koton yon fason pou si w itilize cheve sentetik, li pa tounen plim plim nan tèt ou.

Kwochè Afro - Kay Afro Alice

Kwochè Afro – Kay Afro Alice

Eske w dwe natirèl pou w mete alonj kwochè? Non. Menmlè se yon stil penyen moun natirèl plis renmen penyen e se yon penyen etnik, moun ki mete texturizer oswa pèmanant ka mete l tou men jan pou yo pran swen cheve yo anbal diferan de jan moun ak cheve natirel pran swen cheve yo anbal.

Kwochè Twist out- Kay Afro Alice

Kwochè Twist out- Kay Afro Alice

Eske w ka itilize cheve grèf pou w mete alonj kwochè? Wi, si cheve a pa two swa e si li omwen 20 pous nan longè (sa k pral baw kwochè a yon 9 pous).Lè sa w koupe pati grèf la epi w itilize cheve a pou w fè kwochè a. Eske w ka met kwochè nan tèt timoun? Gen moun ki chwazi mete kwochè nan tèt timoun men an jeneral, li pa konseye pou ajoute cheve pou timoun anvan 8, 9 an lè tèt yo ak cheve pa yo fin devlope. Kote w ka achte egwi kwochè a pou w fè stil la? W ap jwenn egwi kwochè achte plizyè kote ann Ayiti tankou Kay Dupuy, Kay Janet PV epi Kay Afro Alice Delmas 19. Sa pou nou veye le nou pral mete kwochè yon kote? Akoz de gaye stil sa gaye sou mache a, anpil estetisyèn ak stidyo di yo ofri sèvis kwochè a men se devwa nou pou nou jije ki kote ki mete kwochè pou nou jan yo dwe fè l la pou cheve nou pwofite: 1- san dan kwochè a pa griyen oswa parèt lè yo rive nan mitan tèt nou 2- san tèt ou pa sere 3- ak tèt nou  lave e nou te fè swen apropriye pou cheve nou anvan 4- ak konsèy sou koman pou nou pran swen ni tip cheve nou mete a ni cheve pa nou anbal.

Alonj Kwochè - Kay Afro Alice

Alonj Kwochè – Kay Afro Alice

Kijan ou ka retire kwochè a? Pou w retire kwochè a, ou jis bezwen detrese cheve a. Amezi w ap detrese cheve a, alonj nan ap soti. Men atansyon, fok ou fe sa ak anpil pasyans pou w pa domaje cheve pa w.  Yon lot fason w ka retire l tou se koupe alonj yo epi detrese cheve a pou w retire ti bout ki rete yo. Ou ta renmen gen plis enfomasyon toujou sou kwochè, vizite Kay Afro Alice oswa rele nan 3315-2731 pou randevou pa w la.

Ki swen w dwe fè pou cheve w lè w fin retire yon alonj kwochè?

Apre w fin retire yon kwochè, ou dwe fè de swen: youn pou ki netwaye cheve a afon epi yon lot pou bal fos li bezwen. Pou plis enfomasyon, ekri nou nan afroalice@gmail.com

Annie Afro Alice

Enpótans manje nan vi nou

Kalite oswa kantite ?

Pou anpil moun, byen manje vle di bon nan bouch yo epi vant yo byen plen. Yon bèl pate kóde ak bon jan ze, hotdog, pikliz ak aransó! Yon bèl plat diri kole ak vyann ! Yon bon ti fritay pou ki kraze yon grangou nan aswè !

Men èske manje dwe selman pou gou ak kantite ? Èske no pa ta dwe fè plis atansyon ak KALITE sa n ap konsome ak konsekans li genyen sou kó nou ?

Rapó ant kó nou ak manje

Machin pa fonksyone san gaz. Kó nou pa fonksyone san manje. Lè yon machin pran nan move gaz li mache mal. Le konsa motè a deranje e n oblije fè anpil depans nan repare machin nan. Akimile move abitid nan jan nou manje ak nan sa nou manje fè lakoz bon jan dega menm jan an tou nan kó nou e menm pi mal paske gen dega ki fet nan sistem nou nou oblije rete viv ak yo.Sak fè sa nap manje enpótan konsa?

Kèk wól manje jwe nan lavi nou ka ede’n pi byen wè enpótans pou nou vrèman veye san’ap konsome.

Sa manje fè pou nou

Kó nou bezwen enèji pou’l fonksyone e se nan manje n’ap manje ke li jwenn li. Reyaksyon chimik nan kó nou pèmèt ke oksijèn nou respire a ak manje n’ap konsome a transfóme an enèji pou nouri selilyo e pèmèt yo fonksyone nòmalman. Byen manje ka pèmèt nou byen grandi, fè zo nou djanm, fè san nou sikile byen, aji sou kapasite aprann nou,fè timoun nou yo jwenn tout sa yo bezwen nan lèt nou (si nou nouris),li ede kó nou konbat mikrób e kwape plizyè maladi.

Change-the-Quality-of-Your-Food-Before-You-Change-the-QuantityKèk move konsekans mal manje

Mal manje fè kó w pa byen, ou pa viv byen, po w pa bel jan w ta vlel la, cheve w pa vini jan w ta renmenl lan, ou respire mal, sistèm ou mal fonksyone. Apre plizyè ane, sa lakoz sistèm kó a kómanse degrade an plis de laj k’ap monte, lè konsa kó a kómanse pa ka goumen menm jan an ak viris, ni dijere menmjan’l te konn fèavan. Nan maladi ki pi kouran nou ka site ki gen relasyon ak sa nou konsome pandan plizyè lane, gen anemi, obezite, kwatchókó, osteyopowoz, pwoblèm nan kè, kansè fwa ak kansè pankrea, problèm tansyon ak sik, elatriye.

Ou ka amelyore sa

Pouvwa pou w amelyore jan w manje, pou w veye kalite sa w ap manje a nan men OU ! Aprann konnen kó w, konnen kisa li bezwen pou l byen fonksyone, kisa ki pa bon pou ou oswa ki ka menase sante w si w konsome l. Sa yon moun ki soufri anemi plis bezwen nan manjel pa fóseman sa yon moun ki gen pwoblem po bezwen. Metabolis tout moun pa menm. Chak moun se yon moun inik, kidonk chak moun dwe veye sou jan l ap manje pa rapó ak sitiyasyon pa li.

Ann Wigmore, yon gran save nan domèn manje ak lasante te di : Manje w ap manje ka medikaman ki pi efikas pou kó w oswa pi gwo pwazon an pou li. Chak tan w pral foure yon bagay nan bouch ou, pa bliye !Desizyon sou KALITE manje wap manje a se nan men w li ye.

Kilè yon manje bon pou kó nou? Koman nou kapab fè pi bon chwa nan sa nap manje ?

Rete branche….

Yves Marcelin Borno

AFRO FIT – Yon nouvo ribrik

Nan pale ak Christelle yon bon zanmi’m ki t’ap etidye avèk mwen nan inivèsite, li ap dekri’m jan lavi’l chanje depi lè li kómanse jere jan l’ap manje. Avan li te toujou strese, li pat alèz ak kó’l e sa te toujou fèl santi’l deprime anpil. Depi lè li chanje jan li manje, li vin gen pi bon sante, cheve’l pi bel, li malad mwens e konfyans nan tèt li vrèman ogmante.

you-are-what-you-eat

Sa konfime pawól ke anpil nan nou konn tande : Ou se sa’w manje.Èske’w ou konnen tout sa ki nan manje ke w’ap mete nan bouch ou? Èske sa’w manje chak jou yo bon pou sante’w? Kilè on moun byen manje? Ki enpótans byen manje ka genyen sou lavi nou ? Kisa ki on rejim alimantè e kiyès ki gen enterè suiv li? Èske nou konn konbyen maladi nou ka evite tèt nou lè n’ap granmoun si nou bay tèt bon abitid nan fason n’ap manje depi nan jenès nou? Èske nou oblije fè egzèsis fizik?

Healthy-Food

Si’w wè ke’w gen on repons klè sou kesyon sa yo, nou felisite’w e n’ap envite’w suiv nou pou’n k anrichi eksperyans ak konesans nou plis. Si’w pat janm reflechi a sa, n’ap konseye’w rete konekte ak AfroFit pou’w ka pran enfòmasyon sou kijan ou ka viv pi byen nan jan’w ap amelyore manje’w, nan fè egzèsis fizik epi tèt ou lót abitid ki pèmèt li fonksyone pi byen.

Nan menm optik ak cheve natirèl ou bèl la, Afro Alice panse ke pou’w santi’w byen nan po’w fók ou an sante e pou’w asire sa youn nan eleman ki pou byen jere se kijan ak kisa n’ap manje, kijan nou trete kó nou etc. Pandan n’ap swete nou yon bón ane 2015, n’ap di nou byenvini nan AfroFit kote w’ap ka jwenn tout enfómasyon ak konsèy k’ap ede’w viv pi byen, santi’w byen nan po’w e rete natrèlman pi bèl.

Yves Marcelin Borno

Kleren, Ronm ak Cheve Natirèl

Nou souvan tande kèk moun di alkol pa bon pou cheve, anpil blog menm sitel kom youn nan engredyan nou ta dwe veye nan pwodui n ap itilize pou cheve nou.  Epoutan, yo di ronm ak kleren bon pou cheve.  Kisa ki eksplike sa?

492852831

Gen tip Alkol 

Gen twa kategori alkol: alkol ki gen chèn kout, alkol ki net ak alkol ki gen chèn long.

chromescreen3-314x160

Alkol ak chen kout yo se alkol yo itilize pou fè pwodui pou ki sech rapid le yo fin aplike yo sou cheve.  Yo se move alkol paske yo fe cheve yo sèk.  Pami alkol sa yo, nou jwenn SD Alcohol 40, Ethanol, SD Alcohol, Propyl, Propanol ak Isopropyl

Alkol ki net yo se alkol yo itilize pou konsève pwodui oswa pou ede cheve a kenbe idratasyon (humectants). Benzyl Alcohol ak Propylene Glycol se kek egzanp alkol ki net.

Alkol ki ak chen long yo se alkol ki soti nan bet, nan plant, nan luil.  Yo itilize yo pou bay pwodui plis konsistans, pou idrate cheve epi pou pemet luil ak dlo kapab rete ansanm nan yon pwodui (emulsifiants). Men kek egzanp bon alkol sa yo: cetyl alcohol, stearyl alcohol, myristyl alcohol, lauryl alcohol, behenyl alcohol, cetearyl alcohol.  

Kèk Bwason ki gen alkol bon pou cheve

Gen bwason ki gen alkol nou renmen konsome anpil ann Ayiti ki bon pou cheve. Byè bon pou cheve paske li gen bon jan vitamin ladan ki bon pou ko nou epi pou cheve nou tou tankou vitamin B1, B2, B3, B6, B8, B9 ak fè. Alkol ki ladan an pa yon alkol endistriyel, se yon alkol ki soti nan plant.  Etandone li plen ak pwoteyin ak vitamin, li idrate cheve a, li bal fos, li fe l maleyab epi li fel grandi. Ronm ak kleren tou bon pou cheve. Yo gen sakawoz, kalsyom, mayezyom, potasyom ak fè ladan yo.  Ki byenfè yo pote pou cheve?

Byenfè Ronm ak Kleren pou cheve

Ronm ak kleren soti nan sik kann ki genyen sakawoz, kalsyom, mayezyom, vitamin B1, B2, B3, sa ki idrate, nouri epi bay cheve a fos.  Yo bon tou pou goumen kont kap nan po tet la.  Epi yo fe cheve a klere.

download

Koman w ka itilize yo

Ou ka itilize yo nan vaporizatè w melanje ak lot bagay pou w idrate cheve w. Ou ka fè mas pou cheve w ak yo tou.  Osinon ou ka mete yo tranpe ak lot engredyan pou w pase nan cheve w.  Le w bezwen diminye gwo odè zonyon oswa ji zonyon w ap mete nan cheve w, ou ka itilize ronm oswa kleren pou sa.

Ki diferans ki genyen ant Kleren ak Ronm

Pandan Festival du Rhum en Haiti ki te fèt nan mwa ki sot pase a, nou te pran yon ti tan pou nou mande yon seri pwofesyonèl nan domèn nan, ki diferans ki genyen ant ronm ak kleren.  Yo toulede soti nan sik kann, yo toulede fet menm jan. Sel bagay kleren fet selman ann Ayiti, yo pa rafine l oswa divize diferan alkol yo, li rete nan eta orijinal la. Ronm nan fèt ann Ayiti ak nan lot peyi epi li rafine epi yo ka ajoute epis pou ki mete yon diplis nan gou a.

rhum_barbancourt-ad43

ATANSYON: Gen ronm ki fet ak etanol endistriyel.  Si w itilize l, l ap seche epi kase cheve w.

Nan jou k ap vini yo, n ap pibliye resèt swen ou ka fè ak kleren oswa ak ronm.

Annie

Yon ti Rale Mennen Vini sou AFRORITAJ – Premye Edisyon Fwa/Festival Afro Alice la

Premye Janvye 2015 ap fè ekip Afro Alice la twazan depi li egziste.  Nan okazyon sa, nou ap oganize yon fwa/festival pou nou selebre sa nan dat ki ap 26 Desanm 2014 nan lokal Yanvalou Restaurant, Pacot, Haiti.

Nou chwazi AFRORITAJ (Afro Eritaj) kom tèm pou evenman sa paske li enpotan pou yon moun konnen sa ki pou li epi antreteni li, kenbe l epi kwe nan li. Si w pa renmen sa ou ye, sa ki pouwou, sa ki lakay ou, ou pap rive yon moun ki konplè e w pap aksepte epi asime sa ki fe w se wou.  Gen anpil bagay nou genyen kom eritaj  ke nou swa rejte swa bliye swa neglije. Gen bagay ke nou fet ak li tou ki fe nou moun nou ye a nou pa pran swen yo men ki gen gwo enpotans.  Nou pral pale de eritaj tankou cheve nou, moun nou ye, anviwonman nou, talan nou ak rèv nou, sante nou, elatriye.

afroritaj

Evenman sa ap yon fwa ak yon festival kote ap gen

– ekspozisyon pwodui lokal, manje lokal, akseswa ak lot bagay atizana moun fe ann Ayiti, pwodui cheve ayisyen.

– Ap gen plizyè ti chita pale ak ekspè ak atis Ayiti sou diferan tèm ki gen rapo ak eritaj.

–  Ap gen bonjan mizik ayisyen ak gwoup Twoubadou, bolewo ak konsè de atis ayisyen (se yon SIPRIZ).

– Ap gen pwojeksyon fim ak anpil lot aktivite kiltirèl ak sipriz pou ki fè tout moun non selman enstwi yo men amize yo tou.

– defile ak dans lokal

– Ap gen lot aktivite ki pemet youn patisipe ak lot.  Se ap vreman yon bon ti moman.

Se vre nou se yon sant k ap fè pwomosyon cheve natirèl men ke se yon moun ki gen pèmanant, texturizer, gason, timoun ap ka la tou.

Tikè pou yon moun ka patisipe a koute sèlman 250 goud ayisyen.  Plis enfomasyon sou sponso nou yo, ekspozan nou yo, elatriye ap disponib byento.

Annatandan, tou make dat la pou w ka la nan premye edisyon festival AFRORITAJ ak ekip Afro Alice la.

Nou pa ka tann pou nou rankontre epi fete avè ou.

Ekip Afro Alice la.

Pou plis enfomasyon oswa sijesyon, ekri nou sou imel nou.

Alopesi – Sak Lakoz li Ak Jan l ka Trete

Anpil moun konn kontakte nou pou mande koman yo ka jwenn solisyon pou de bo tèt yo k ap kale oswa chit yo genyen nan lot kote nan cheve yo, se vre nou ede moun sa yo le nou ba yo bon konsey oswa menm mande yo we yon dematolog le sa vreman grav men se lotrejou nap konprann a ki pwen pwoblem sa se yon pwoblem ki ap fe kenken kay medam yo. Se sak fe li enpotan pou nou pataje kek enfomasyon ak konsey ak nou tout, yon fason pou nou ka fe prevansyon oswa tretman pwoblem sa. Nou pral pale de alopesi : sal ye, kisa ki lakoz epi kijan nou ka evite oswa trete l ?

Alopesi se mo doktè ak moun ki nan sektè sante a itilize pou TOUT chit cheve. Li nomal pou nou pedi 100 a 150 cheve chak jou e le sa rive li pa yon pwoblèm. Tout cheve ki tonbe pi plis ke sa se yon chit e se sa yo rele alopesi a.

dsc01844-300x225

Alopesi konjenital se alopesi ou mwens rankontre.  Lè yon moun gen fom alopesi sa, cheve pa pouse nan rasin tèt la ditou e cheve pa rive soti paske gen anomali nan jan cheve yo fome a.  Cheve yo PAP JANM pouse kidonk se sel gref cheve ki solisyon le yon moun gen alopesi konjenital.

Alopesi akoz sikatris se le w pedi cheve konpletman nan yon kote nan tet ou gen yon mak paske w te fe yon gwo aksidan, ou te gen yon gwo blese, ou te gen yon maladi grav tankou loupous oswa  w te boule. Cheve yo PAP JANM pouse anko kidonk   pi bon solisyon an se gref cheve.

Alopesi andwojenetik se sa nou rele an jeneral moun ki chov la. Se vre nou we li pi vizib kay gason men li rive fi tou. Li jenetik epi pou w genyen l fok gen sa nan fanmi w. Li rive le timoun nan laj pou fome, ogmantasyon omonn degrade po tet la epi fe cheve yo grandi mwens amezi ane ap pase. Etandone fi gen pi bon ekilib nan omon yo, se selman 25 % fi ki konn gen pwoblem chov. Le gason chov, yo gen tandans pedi cheve devan tet la ak nan mitan tet la. Le fi chov, cheve nan mitan tet yo klèseme tikras pa tikras. Finosteride, Minoxidil ak enplantasyon cheve se solisyon pou moun ki chov.

Alopesi distribiye, sa yo rele effluvium telogene nan se le ou gen plizye kote nan tet ou k ap pedi cheve. Stres oswa manje mal oswa radyoterapi oswa kimyoterapi oswa yon enfeksyon oswa akouchman oswa sezon ka lakoz sa. Gendwa se yon medikaman wap pran oswa yon pwoblem nan tiwoyid oswa nan metabolism ou ki lakoz sa tou. Pou w trete alopesi sa, li enpotan pou w idantifye kiyes nan bagay sa yo ki lakoz li. Kou w trete sak lakoz li a, cheve a sipoze repouse.

download

Alopesi aerata sa yo rele pelad la se le w gen kote byen spesifik nan tet la kote wap pedi cheve epi yo fe yon seri de twou ki plizoumwen gwo. Se pwoblem nan sistem iminitè ki konn lakoz li. Stres ka lakoz li tou. Piske sa gen rapo ak sistem kow , li bon pou w we yon doktè pou ki preskriw sa ki ap ede cheve a repran manm epi pwoblem nan trete

Ou ka lakoz ou pedi cheve tou si w pa manje byen, ou pa domi byen, wap mennen yon vi ki stresew, ou pa idrate kow ase, ou manke vitamin, ou penyen sere oswa w penyen chou tout tan oswa grèf tout tan ka lakoz ou fè chit cheve. Lè sa, fo w idantifye ki sak fe sa epi itilize bon ti pwodui pou cheve natirel ki ka edew.

Grasa bon lanmou ak swen ou ba yo, yap regrandi anko.